GESANG 147

1. ONS HOOR DIE PAASFEESKLOKKE.         
   HUL LUI VAN VROEGDAG AF;             
   HUL JUBEL OOR DIE W^RELD:            
   DIE HEER IS UIT DIE GRAF !           
   HY, CHRISTUS, DIE OORWINNAAR,        
   IS UIT DIE DONKER UIT.               
   DIE HEER, DIE SLEUTELDRAER,          
   SAL OOK MY GRAF ONTSLUIT.            

2. ONS HOOR DIE PAASFEESKLOKKE.         
   DIE HEER HET OPGESTAAN !             
   HY HET VIR AL ONS SONDE              
   HOM AAN DIE KRUIS LAAT SLAAN.        
   IN HOM IS NUWE LEWE,                 
   SY GRAF IS LEEG EN OOP.              
   HY GAAN ONS VOOR - VERHEERLIK -      
   EN ONS KAN OP HOM HOOP !             

3. ONS HOOR DIE PAASFEESKLOKKE.         
   DOODSENGEL, GAAN VERBY !             
   BLOED AAN DIE DEURKOSYNE -           
   SY BLOED, HET ONS BEVRY !            
   ONS SAL MET JESUS OPSTAAN,           
   DIE LEWENSKROON VERKRY.              
   ONS HOOR DIE PAASFEESKLOKKE          
   WAT OOR DIE W^RELD LUI.